هذه القصيدة مهداء للامير سلمان ال سعود
بمناسبة مرور خمسون عام على توليه الامارة

(عز الرياض وعز وادي حنيفه
وعز الامارة والامور العظايم

عدل الحكم سلمان بالعز ريفه
خمسين عامٍ كل ابوها غنايم

تبصر بعدله عين حيٍ كفيفة
المجد له والطيب والعز دايم )

الشكر لله واليدين النظيفه
للي على روس المراجل عمايم

مثل الشجر لو ما سمعنا حفيفه
ومثل المطر لو ماهو الجو غايم

مثل الجبال الراسيات المنيفه
ومثل الدفى في جوف طيب النسايم

صايم يبي هالناس تاكل رغيفه
وعن خوة اهل الشرك والذل صايم

يسراه توحش اليمين الشريفه
في دعوة اهل الخير بالخير قايم

(سلمان) يعني سلم راع النصيفه
والسلم الاخر قاهرين العزايم

مدري وش اللي بس شعري يضيفه
دامك سهرت سنين ب عيون نايم

في ظل (ابو متعب) زبون الضعيفه
ما لامنا بالخير من كان لايم

ويسلم لنا (سلطان) خوف المخيفه
واذا ابتسم سلطان طارت حمايم

خمسين عام ٍ والتطور حليفه
وبعشق مملكة الوفا دوم هايم

يردف سنام الطيب والطيب كيفه
وبذن الولي يحيي هشاش الرمايم

الله يعزه عزّ ..عزه ل ظيفه
ويعز (نايف) .. كايد ٍ للجراااايم

ملاحظة :
1-الثلاث ابيات الاولة(ما بين الاقواس ) للشاعر الرائع السامر

وكانت شروط المسابقة مجاراتها.
2-قصيدتي لم تفز بالجائزة لا لن المتسابقون (1200 )

شاعر بل لانه المسابقة بالقرعه.
3- قصيدتي فازت بهذه الاسماء الرائعه كما فازت بتدوين بكتاب بأسم سيدي

صاحب السمو الامير سلمان بن عبدالعزيز ال سعود

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر