ابن سابر

لـ ، ، في المدح والافتخار، آخر تحديث :

أشعمت نار الفكر لين اشعل الجاش
وسجيت في ليلٍ قمره امتلاشي
متعليٍ عن كل نذلٍ وغشاش
في راس مشرافٍ على العز ناشي
من ضامرٍ فيه الهواجيس تهتاش
تواردت هجس المثايل عطاشي
أقنب قنيب الذيب والفكر منداش
يوم الكدر متٰخالطٍ بالغطاشي
من وقتنا اللي يشتكي صابه ارباش
يشكي مبادي فيه راحت طشاشي
كنّه عليلٍ طايحٍ يطلب انعاش
اوهو كسيرٍ صاب هعظمه هشاشي
وقتٍ غدى يرتع به الذيخ واللاش
والذيب جاه من الزمان ارتباشي
حذرى وبالك تبدي السر للواش
وحذراك من خوة خبيث المماشي
وحذراك تتبع كل دجّال فتّاش
لاخير في رجلٍ على الذل عاشي
اللي بلا مبدا يعوّد على ماش
نصيحةٍ منّي وخذها بلاشي
واللي على شذب العراقيب يعتاش
وقت الشدايد مايساوي ولا شي
هذي وصوف اللي على الخلق غشاش
ولا هي على اللي بأمره الغيم ناشي
فيا راكب اللي لا زهمته بمطراش
جمسٍ جديد مخزنٍ بالقراشي
مصممٍ للقرم في صنعه ادهاش
ماصنعوه الصين ولافي كراشي
اليا كفخ كن الوطى تحته فراش
هو منوة اللي مولعٍ بالمماشي
ملفاك ابن سابر*١ لياصرت معطاش
على الروى واهل الوجيه البشاشي
القرم ابونايف على الطيب مدغاش
رجلٍ ليا شاف المسايير شاشي
حلوٍ نباه وقلبه ابيض من الشاش
الكل يشهد له عريب المناشي
الطيب ورثه والمكارم لها حاش
فكاك عسر المبهمات اللواشي
مواقفه تصعب على كل هلاش
اليا وقف ضده يجيه ارتهاشي
من لابةٍ ما بينهم سربة أوباش
هل السيوف الصارمات الرهاشي
الاد عاطف متعبة كل بطاش
إليا تناخو في نهار الهواشي
صغيرهم ياكنّه الليث لاهاش
يكعم ضديده لو تعزوى وهاشي
وكبيرهم حرٍ عديمٍ ليا شاش
من سطوته فكرك يجيه اندهاشي
قبيلةٍ تاريخهٰم بالفخر عاش
ما يجحده ياكود رجلٍ يخاشي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين