كيف ترجع - سعد مسهوج العلاطي

كيف ترجع بعد ما خابت هقاوي من هقابك
بعض واحد لو تعذر العذر يصعب قبوله

لو تحب القاع ذلة ما ترجينا جنابك
انقلع لا جابك الله لا تجي دربي وحوله

لا حفظت (2000) بيت لا تحسب اني اهابك
قادر اني لا نويت اغلبك بالفين جوله

الشعر لوهو يجيبك ما درابك ما درابك
اترك عيال الاصل مالك ومال الحموله

كانها بالمرجلة (هووووش) لا تحرق اعصابك
قبل ما اعرفك وانا ساس من ساس الرجوله

وكانها بالشعر تكفى لا تقلب لي كتابك
دامها منكم بطولة ما نسميها بطوله

انثبر لا جابك الله لا هلابك لا هلابك
طحت من عيني وقول كل ما عندك تقوله

ما يزودني خضوعك والردى شي انتشابك
انت اصلاً ما تشكل للاهمية مقوله

يا حفيذ ابليس قلَي ليه ؟ وليه ؟ الشك صابك
لو تلف الكون كله قاطعٍ عرضه وطوله

ما تلاقي مثلنا ! لين ما تقصر ركابك
ثم تنوخ النوخة اللي جبتها لنفسك عجوله

© 2023 - موقع الشعر