ياوسيع البال

لـ ، ، في العتب والفراق، آخر تحديث :

هاجسي ما يارد الا على عد ارهوي
واليا كفخ صاد النوادر وهذي عادته
شامخ ٍ في ساحة الشعر وراويها روي
نجمه تعلى للجدي عقب يوم ولادته
ياكن في عوج المحاديب ذيبٍ ويعوي
يشكي صواديف الليالي على نشّادته
الهوى ياهل الهوى له طريق ٍ ملتوي
يوم ٍ يشقّينا ويومٍ نجيد قيادته
ياوسيع البال ضاق الفضا بالمهتوي
ولافيه ليله بين كل الليالي هادته
أنا وجودي وجد من طاح من عينه خوي
أو وجد من حدّه زمانه على نقّادته
والله أني ياعشيري على الفرقى قوي
واللي ربى بيني وبينك رسمت ابادته
كيف لا والنار تكويني بكبدي كوي
وذاك الغلا اللي تذكره فاقدٍ سعادته
والزمن لامن نوى يلوي ذراعي لوي
اقف مواقيف الفخر والعرب شهّادته
ماطار طيرٍ وارتفع الاكما طار يهوي
حكم القدر مكتوب والناس من ورّادته
.
خالد الماضي السرحاني
.
.
مرحبا يا نقوة الطيب يا عقب عذوي
محزمي يوم العسر ماتعدّى عادته
لا حضر ذلّ الصعب ثم تسخّر له قوي
ما يصيد الا الجزل سعدها ولادته
لو نشبهك المطر فانت من هل ثروي
و لو تبخنك الزعل ما تهوّر قادته
والله اني لك عضيد ٍ فداوي يالخوي
جعلك الفال الحسن يالزعيم لسادته
الفراق يلخّصه قول حيل الله قوي
ثم تمثله اليتم يوم عض وسادته
لو نصيح و نعتزي فالمقدر مستوي
قلت يرزقنا الرضى من نحب عبادته
.
مرعي بن دايس السرحاني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين