معاك الله .. - بسام المخيدش

ياجوهرة هذا الزمان الثمينه
ياقاسمه قلب المعنى لقسمين

ذكرى غرام الحب لاتنكرينه
حتى ولو جبتي بنات ووراعين

قولي لهم قصه سجين وسجينه
وحطي بدال اسمائنا اي اسمين

قولي لهم وش كثر كنتي تبينه
ووش كثر كنتو في بعضكم مجانين

ولا بلاش الماضي تفتشينه
دام الوصل مقطوع ماينفع بشين

روحي معاك الله ياآجمل رزينه
والحب من بعدك سوالف بزارين

انتي خلقك الله فالارض زينه
مثل القمر لاكن غلبتيه بالزين

لامرني طيفك ابمسك يدينه
وابرسل اشواقي معه لجل ترضين

يام الشرف يام الترف ياثمينه
يام الرماح اللي على طارف العين

يالجوري المقطوف يالياسمينه
يالكادي الا كل ورد البساتين

قلبي بعد فرقاك ودع عرينه
والدمع يبي الخد ومزاول العين

حتى القصايد من فراقك حزينه
لاقلت ابي بيتين ماجبت بيتين

© 2024 - موقع الشعر