فمان الله

لـ ، ، في الرثاء

فمان الله.. وادري ماوراها غير نزف جروح
وترحال الضياع اللي على الاطلال يبكيني
فمان الله ياجمر الكفوف. وصوته المبحوح
يانظرات الوداع اللي على الفرقى تواسيني
فمان الله يالذنب الحلال وسري المكبوح
يانبضٍ مسكنه صدري بعد زَفّت شراييني
فمان الله ياروح الحياه وجرحها المسموح
ياسر الضحكة اللي لا لمح طيفه يناديني
فمان الله يالعشق الكبير اللي بناني صروح
ولَحَّفْني السحاب وعَلّم القمرا تغنيني
فمان الله ي اغلى من نطق (يمه فدتك الروح)
ياميعاد الدفى  واطهر محطة في عناويني؛
فمان الله يابابٍ كتبه الله امل.... مفتوح
وفج النور من صدره لجل نوره يقَدِّيني
فمان الله ياللي من بَعَدْك. احيا وانا مذبوح
وضيعت الكلام  إلا ... (دخيلك لاتخليني)

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين