اربعين اشبهي

انتهي من علومي وابتدي وأنتهي
قبل يرسل شعاع الشمس الاشقر هلاه

فلا انهيت الفواد يعيي ما ينتهي
صرت انت ان امره الشوق والا نهاه

يحسبونك لهي لاشك مانت بلهي
من لهى عن لسان الشعر بلش بلهاه

هي لا والله الا لا ماهي ب هي
وكيف وكوثر قصيدي في ضفافه مهاه

يرقب العالي عجلٍ للصباح البهي
عقب ليلٍ سراه الوحش ل منتهاه

نفسي دايم تصوم ابلا فطورٍ شهي
اذكر الله عليها وشفها ما زهاه

غير هجسٍ رهاويه وعدٍ رهي
والمعاني تراها من رهاه لرهاه

مالقو لك مع الناس اربعين اشبهي
للشبيه وشبيهه وقع مثل اشبهاه

وكيفها ومن على اشباهها تشرهي
وكف قلبي عن اللذاتة إبمشتهاه

صرت تومي برأسك عقب الامر النهي
تعتبرها طرافه واعتبرها فهاه