المعذره .. - شموخ الرشيدي

المعذره أدري على قلبك أقسيت
ولا القسى مو من طبوعي وتدري

المعذره , كل الغلط يوم حبيت
ماكنت اظن الحب حفار قبري

المعذره , أدري على نفسي اخطيت
يومي كتمت الجرح في وسط صدري

صبرت في ظلمك لين انك تماديت
وأسكت وأطوف والهوى كان عذري

اكبر طموحي بسمتك كان حسيت
واكبر طموحك جرح ماعنه جبري

مادامك بقلبٍ يحبك , تسليت
لا تلومني لا طال بالبعد هجري

المعذره ماعاد لك داخلي بيت
واليوم قلبي , ماهو الي بخبري

فرصه سعيده قلتها يوم صديت
من بعدها ماعدت عالبال تطري

#شموخ ..
© 2022 - موقع الشعر