عادات و تقاليد

ليه احنا بين الخلق بالذات بالذات
متمسكين بعاده جداً . . سخيفه

قالوا : تقاليد الا قالوا لي : عادات
و فرقنا ما بين . . الوليف و وليفه

واقول يا اللي قلتوا كل الحماقات
لا بارك الله بالعقول . . . الطفيفه

اللي تحارب كل لحظة . . مسرات
و اللي تحارب كل فكرة . . عفيفه

و لا بارك الله في جميع القناعات
أساسها مبني على قول . . . (كيفه)

الكيف مايهدم عظيم .. المساوات
والكيف ما جاب العقول الشريفه

العلم ناشر بالفضا له . . محطات
فيها دروس ٍ نافعات ٍ . . . وريفه

لكن حسافة .. كامل العمر لا فات
والجرح غاير ... من يوقف نزيفه