قلب ذاوي

سمحت للقيفان .. تكتب قصيده
و نيابة ٍ عن قلب بالصدر ... ذاوي

أصبح يحس ان المشاعر . . . بليده
ما عاد ينفع فيه . . . كثر الرجاوي

أهداه . . حاتم يم وحده : سعيده
ماهي بحاجة شعر . . و الا غناوي

أهداه . . شاعر يم وحده : عنيده
ما همها قلب ٍ ... من الخير ضاوي

كانت بداياته . . . . . جميله فريده
وعقب الحقايق صار للوصل كاوي

يا حاتم ارحم قلب ينزف وريده
ما عاد لك باللي . . . خذلنا مناوي

وإيّاك تهديني لوحده . . . جديده
مات الوفاء و أمسيت للهم حاوي

يا قلب لا تزعل على اللي نريده
وارجوك لا تزعل على انسان هاوي