الطير

الطير كمل ما بقى له من الريش
ومن طول قيظه حاشر وصابه اوحاش

حرٍ يصيد الخرب لو فيه تخريش
ما يروم لو يبغى عن الموت ينحاش

ايناوشه في الجو لو طار تنويش
وفي الارض يزرق له كما زرق لحناش

ما كد توقف في نقاط التفاتيش
ماخوذ غالي ما لفى ابخس وبلاش

واهل القنص لو يسرحوبه مغابيش
اتنومسوا بالصيد في كل مطراش

يا زين صيد البر بين المفاريش
م رمث خرسانه من السحب بطشاش

ومخوة اقروم الرجال المداغيش
ناسٍ تشيل الضيق من داخل الياش

وترتاح لو بالك مشوش تشويش
ومن عاش من دون القنص كن ما عاش