قصيده في فوز ابل السبيع بجائزه الملك عبد العزيزلعام 1423هـ - سعد بن شليه

سبيع فازت جابت الفوز فوزين
وذي عادت الغلبا بكسب النفايل

قدم القبايل قدم حفل السلاطين
نالت شهادة مكرمين القبايل

وذي عادت الغلبا بقلب الموازين
وذي عادت الغلبا علي كل طايل

وبواشنا لزين فيها براهين
وبواشنا لزين فيها دلايل

والوضح منهن تبهج القلب والعين
والصفر منهن ما لها من مثايل

والشعل منهن تكمل الزين لزين
ويا زين فوز معبسات الشمايل

سلايل لسبيع امنول وذا الحين
سلايل فيها تزين المثايل

ونا انهنا من جميع المهنين
ومبروك تثنيها اعيال الحمايل

ومبروك للغلبا سبيع المسمين
ومبروك ارددها لاهل الجمايل

ويا الله عسا غر السحايب لنا تبين
وتروى وطنا لين تمشى المسايل

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر