عيد الضحيّه .

ياما لجل قربه .. سعيت وتمنيت
وقدمت له صادق شعوري هديه

من كثر حبي شفت نفسك تغليت
ونسسيت ان فيني لقلبي حميّه

عزت علي نفسي كثر ماتشكيت
منك الجفا والحزن وسوء الجزيه

لو تنطبق أرضك سما ماترجيت
وصلك ولو كانت حياتي شقيّه

من بعد ما ارخصت المحبه وقفيت
وحرمتني نوم العيون الهنيّه

من يوم فرقانا وانا اردد البيت
قاله حمد .. وكن ما قال ليّه

دخيلك اليا جاك طاري وحنيت
لا تذخر من الشوق حاجه عليّه

في عيدنا الأول .. معك ماتهنيت
خل العوض يا صاحبي بالضحيّه .

#شموخ