جيتك وانا مشتاق

قالوا علام الشعر للحزن منساق؟
قلت الشعر هو كل مافي يديني

لو اني اقدر اوصله بعد الارهاق
ما قلت له وينك وانا ابي تجيني

عقب المحبه والغلا يطري فراق
ياكيف هانت عشرتي والسنيني

وشلون ما عاينت ناري والاشواق
وانا الذي من رحت عايش حزيني

جيتك وانا مشتاق مشتاق مشتاق
وصديت مدري وين حبك و ويني

ان كنت ناسيني ، ف هالضيق بي فاق
وان كنت تبغيني ، ف أبي تحتويني

شوف الحزن يدمع على بيض الاوراق
يكتب معاناتي .. وضيقي .. وحنيني

والدمع في عيني ، من الشوق براق !
ارحم حششى مغليك يانور عيني .

#شموخ