قسوهه أقداري . - شموخ الرشيدي

شبعتني حزنٍ وظلمٍ وحرمان
دخيل ربك مارحمت الجراحي؟

شفني كتبتك شعر وغنيتك الحان
من عدة شهورٍ مضت من مراحي

ادري في بُعدي ما تولجتك احزان
وادري بأنك في هنا وارتياحي

اشوف شعرك قيل في غيري انسان
واسمع مناداتك في ليل وصباحي

وادري محيت ايامي في ذيك الازمان
محيتها من البال .. وكل شي راحي

يا قسوهة اقداري معك انت يافلان
كنها على قلبي .. كضربة رماحي

وش حيلتي لا عافت الناس الاعيان
والقلب سكر من جميع النواحي

عزالله اني معك ماني بحظيان
واشواقي بعدك كسرولي جناحي

لا صار قلبك في هوى الغير مليان
عن درب وصلك الكرامه سلاحي

#شموخ
© 2024 - موقع الشعر