اليوم عيدٍ ضاء شمعات الافراح - عبدالرحمن الجربوع

اليوم عيدٍ ضاء شمعات الافراح
والمسك فايح والليالي عليله

يا مرحبا بالعيد اهلا ليا ضاح
يا مرحبا نورٍ يساني بليله

الكل يشدي بالفرح يوم له لاح
تبسم عيون والفرح هو دليله

واشبالنا حبٍ لنا عاطرٍ فاح
انتم سواد العين وانتم ظليله

يا مرحبا بالكل حاضر ومن راح
والجار والقاصي وخل وخليله

يارب تجعل دايم ايامنا املاح
تبقى مودة حب ماهي قليله

© 2024 - موقع الشعر