دانات الافراح

قالوا تعيّد سبع دانات بافراح
قلت الفرح إنا نجدد عهدنا

ونعيد وعد ٍ بالذي ماضيه راح
ونضيف اسمه بين زمرة وعدنا

من بوظبي زفيتها والعطر فاح
غطى على السبعه وكمّل عددنا

يا مرحبا ترحيبة الصوت لا ناح
من فرقة ٍ تلوي حشاشة رغدنا

يا مرحبا والسعد في عيننا لاح
يكتب على كاس الامل ما وجدنا

في ضل بوسلطان .. هالجمع مرتاح
ولا هان بو خالد شرارة سعدنا

من نسل زايد طيّب القلب والباح
ارتاح يا بويه بذكرك هجدنا

كل الشعب زايد وساكن بالارواح
ما مات زايد عايش ٍ في جسدنا

نرفع ايادينا شكر .. ليل وصباح
لرب البرية .. وللدعاوي سجدنا

عساه ربي دايم يزيد الارباح
ارباحنا شيوخ ٍ تِعْلي مجدنا