يالعاذليه وش الاخبار

يالعاذلية وش الاخبار
زيدوا على القول تاليِّة

اما نغني على ما صار
ضفناعلى القول ماريِّة

ولا نغضه كما ما جار
ونمشي وحنا زقرتيِّة

ياونتي ونة المحتار
اللي رفيقه به النيِّة

اما بدربه نطق الطار
ولا تركنا ولا شيّه

نويت اسافر على ما طار
واركب عليها بعصريِّة

وانزل على جزْرها ببحار
اجبالِ سحبه مظليِّة

حطيت في بحرها مسمار
جلست فيها بصبحيِّة

مع نور شمسٍ بظل جدار
صرنا بوسطه شقرديّة

بين المحيط ومابين الدار
نمشي بخطوه رمنسيِّة

معنا مظله ومعنا كار
ومعنا فواكه ومنقيِّة

راحت سعاتٍ من النهار
وامست ليالي بقَمريّة

صلحت قهوة بجنب النار
والشاي بالكاس خدريِّة

نشوي عشانا على مجمار
طير من الصيد قِمريِّة

تبقى لذكرى على ما دار
وترفع بنفسك لعليِّة