يازين هاك السرية اللي سريناه - عبدالرحمن الجربوع

يازين هاك السرية اللي مشيناه
في الداير الشرقي مسكنا وبديناه

على شمال الدرب بعده قضبناه
نقطع مراميسٍ تعدا المظاهير

راحت سعات الليل تمشي تلاحيق
نمشي ونقطع من مفاوز مرافيق

لين الشفق بين وحنا مشافيق
نبي لنا طلة طلاح ومسادير

على طلوع الشمس ثنيته ايسار
من عند كسر الخيل من بعد امتار

يم الشعيب اللي محاديره اكثار
تركب معاه بسايح من محاسير

فمه وسيع وخايع الطلح ماشاح
وان قلت في بطنه رمال ما تجتاح

العرض واسع والماقطع به اسماح
ظلّه وسيع وصافيٍ من مغابير

ان جيت باليمنى حراها توافيق
وان بانت اليسرى على خير مافيق

وان كنت بالمطلع كثير الطواريق
لاجاء نسيم الليل تطرب تكاسير

© 2024 - موقع الشعر