كانك على الفزعات قاوي
شفني على الفزعة أدوّر

ترمي بي الدنيا هقاوي
و ارمي , ولدري كيف أثوّر

يا مزبّن الطير النداوي
طير السما طاح وتعوّر

و ازرا يلاقي له مداوي
وابطا على الجرح وتطوّر

ماجاه غير الذيب عاوي
بيساعده، انت اتصوّر ؟

يالله ، يا جزل العطاوي
يارب هالبيت المنوّر

ويالله ، نرميها دعاوي
جار الزمن فينا و تجوّر

لبيّت لي صوت العزاوي
ما نيب رجّالن مزوَّر !

ما تاقف بمثلي رجاوي
وانت الكريم بمن تهوّر

امسيت ماحولي مخاوي
و الّي على الخوّة تخوّر

ماعاد لي فيها مهاوي
غيري وعمّرها و سوّر

وانا على دفع البلاوي
احرق بها دمي و افوّر

ضاع العمر كله شقاوي
والجرح في صدري تغوّر


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر