يالله ياقاوي على كل قاوي
إلاهنا اللي نعبده مانشوفه
يامفرّج الكربات يوم البلاوي
سامع دبيب النمل داخل كهوفه
انا على المسناد دايم نحاوي
ماهمني عثمان والا خلوفه
والله يالولا يوم اشوف الرحاوي
واحط كشب يمين عني واشوفه
حبّه شربته شرب ماله مداوي
احب كشب ومن نزل في لغوفه
والشي ليا مني عطيت القلاوي
والنفر والقمقوم بانت دفوفه
ومليت صدري من هواها النقاوي
يبر العليل اليا دخل جوف جوفه
مع ناس والا اسير فيها خلاوي
قلبي جري لو الذيابه تحوفه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر