عديت في مثنى الطويله عصيري - عبدالرحمن الجربوع

عديت في مثنى الطويله عصيري
حبه سرى فالقلب من عصر ماضي

من فوق جيبٍ هقوته ما تبيري
امشي على هوني واهيجن هياضي

واسلي بنفسٍ هايمه مع نظيري
امشي على روضٍ نما في رياضي

واروح وارجع للطويله واحيري
كني غليّم راح دايج وفاضي

والا مثل شخصٍ بسوقٍ يسيري
في سوق ديره طالبٍ له مقاضي

يالله عسى الخيره تحل بمسيري
يفيض نوره مثل صبحٍ افاضي

© 2024 - موقع الشعر