من اخر الطيب على داخن العود

لـ ، ، في الحكمه والنصح، آخر تحديث :

من اخّر الطّيب على داخن العود
ومن قدم التالي لشم المروكي
ما قدمه مجلس على وافي الجود
ولا قدمه عمرٍ لصفّة فلوكي
حتى ولا قدّمْهِ مالٍ على سود
لو ان ذكر المال تحت السلوكي
يرفع مقامك كل قلبٍ به الفود
والا القلوب الجاعدة لك تشوكي
وش عطّف الحية على ضربة العود
الا السراب وشمسها للدلوكي
وش علمّ الجهال غربانها السود
الا تشاؤم صار مابه فكوكي
ومن حدر الراهب وتركه لمعبود
الاثنية سنِ وجهٍ ضحوكي
ومن ركب الضحكة على وجه مشدود
ويبطن خبيث العلم رسمٍ حبوكي
لابد من يوم يصيبه من اركود
يعجف زمانه ما حداها الشكوكي
الله وليّ الناس هو خير محمود
أعد جناته واعد الدروكي
سبحانه اللي سبحه كل موجود
فوق البحار ووسط ظلمٍ حلوكي
عبدالرحمن الجربوع

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين