لي حول اسبوع

صوتك اللي لا سمعته لعب في حسبتي
لي حول أسبوع وأكثر وأنا أدوره

بترك الشرهة ولاني بمبدي شرهتي
وبتبع اهل الميمنة واترك اهل الميسرّة

تطري الأبيات وأنا الاعب سبحتي
وتفضح احزاني والاحساس ماهي تستره

وجهتك لو تقترب تقترب بيّ وجهتي
اعتق الشاعر من احزانه وطول سهره

ما نسيتك والحنين يحدني في وحدتي
والفضا يضيق فيني ويصبح ما اصغره

لا ابتدت بك قصتك ما انتهت بي قصتي
اقرب اقرب كان ودك بهرجي اظهره

والله اني دايم اقفي ولا الحق منتي
والبشر ما ودي احدٍ ازعله ولا اقهره

ملتك ماهي بتفرق ترى عن ملتي
عادتي اطوّف الزله وكلٍ اعذره

كل ما تطري حرقت الجوف من زقارتي
والزقارة غيرها لاهب حنينٍ تسعره

والله انك فرحتي والله انك مهجتي
الفرح معك اشعره والحزن ما اشعره