غيابك

لـ الملتاعة، ، في الغزل والوصف

غيابك - الملتاعة

لاشفت زولك فز قلبي على طول
فرحان كنه طفل من شوفة امه

متلخبطه ماني على بعض بذهول
من اشتياق الروح فزيت اضمه

تصرفي ماكان شيٍ بمعقول
ضحّكت من حولي وحولي بهمه

وانته غيابك ماخذ اطلوع وانزول
وش حيلتي لاصار موتي وسمه

ترضي خفوقي لاتضايق من فعول
ماهو تسوي بكثر حرقه ودمه

خليتني علكه بكلمات ياحول
يوم العذر مني لهم قمت المه

ماكان ذا طبعك ولاكنت معزول
وش غير الطبع الذي كان قمه

قدّر مقام الصبر لايعيش مخذول
ويموت وانته دافع اسباب همه

شعر:غزبل سعد_الملتاعة
© 2024 - موقع الشعر