صوت و صدى الشاعر سلطان بن سعود رشاش الطويلعي

الدرب يا سلطان شفني اختصرته
و كتبت قصه في حياتي . . أليمه

ترى الطموح اللي بخفوقي قبرته
و الياس اوقد وسط قلبي هشيمه

الطيب فيني لو يبس . . ما ذخرته
يبقى بعود الطيب عرق العزيمه

الليل يا سلطان طال . . . و سهرته
ارقب نهار و فيه شمس الغنيمه

حاتم ذكرني بالقصيد . . و ذكرته
يشكي يقول الياس ذوب صميمه

و اقول يا حاتم . . ترى الله شكرته
يجزي عباده خير و اجر و غنيمه

أنا ادري ان جرحك عميق و سترته
وإحساس روحك والمشاعر يتيمه

لكن عزاك الصبر كانك . . . قدرته
و أبشر بتفريج . . الهموم العظيمه

ما دام حزن و ما تعمر . . . شجرته
الشمس تنهي . . ليل مظلم عتيمه

أصبر و تلقى عقب صبرك ثمرته
و الله يعوضك . . . بكرمه و نعيمه