صوت و صدى الشاعر سلطان سعد بن شِمران - حاتم منصور

الدرب يا سلطان شفني اختصرته
و كتبت قصه في حياتي . . . أليمه

ترى الطموح اللي بخفوقي . . قبرته
والياس اوقد وسط قلبي .. هشيمه

الطيب فيني لو يبس . . . ماذخرته
يبقى بعود الطيب . . عرق العزيمه

الليل يا سلطان طال . . . و سهرته
ارقب نهار و فيه شمس . . الغنيمه

يامرحبا والقاف جاني على ته
من حاتم اللي . . ما يعرف الهزيمه

الصبر بذر ٍمن محاصل ثمرته
مرضاة رب اللي رضع من حليمه

خل الطموح منيف كانك قدرته
ترى الطموح اللي يذب الخريمه

والياس بحر ٍ يغرقك لابحرته
و دايم عواقيبه عواقب وخيمه

و خل الامل في كل درب ٍ عبرته
تراه كنز اهل العقول الحكيمه

يضيق سمر العود على شجرته
و يصير له قيمه وهو دون قيمه

© 2024 - موقع الشعر