مفتاح قصرك

يابنت في صدري . . فؤاد ٍ ملكتيه
و الفكر يمك . . يا بعيده عن العين

بالحب ياروحي .. خفوقي سكنتيه
و صممت لعيونك بحسب القوانين

كامل غرامك .. داخل القلب سقتيه
ودي اعيش بحبك اعوام .. وسنين

قصر المحبه . . . في عيوني و شفتيه
ما يسكنه غيرك . . . يا سيد المزايين

حتى الغرام . . اللي زرعته قطفتيه
و يعيش في قربك حياة السلاطين

الحب نعمه . . و كل غالي حويتيه
اخذت قلبي ومن قصيدي دواوين

تدرين ويش اللي بقى .. ماخذيتيه
مفتاح قصر ٍ . . . حوطته البساتين