لا بـــآس - حاتم منصور

لا بآس يا الغالي ولا بآس
لا بآس و افداك يا الغالي

لا بآس و اعيدها ب قياس
ياللي مكانك هنا .. عالي

حزت الغلا فوقه النوماس
يا معرب العم و الخالي

ليت البلا يا كريم الساس
ندفع عشانك له اموالي

ادفع ذهب و ادفع الالماس
كلي فدى يا بعد حالي

و إلا يتعدى لبعض الناس
اللي من الخلق أرذالي

محشوم عنهم ولا تنقاس
انت اللي بك مضرب امثالي

تبغى بعيني لك المجلاس
و إلا بقلبي . . . و يحلالي

وإلا انت عالي وفوق الراس
و بالعين تلقى لك ظلالي

كلي حلالك و هذا احساس
جاك و تخير من افعالي

© 2024 - موقع الشعر