لابة مواهيب - حاتم منصور

مخيلة الهاجس معاني و اساليب
و انا زبون الشعر صوره و تركيب

و اسوق مزنة قاف من فوق ثربه
يمّ الرجال اللي تحب المواجيب

المدح فيهم من حصاد التجارب
عند الكرامه نلقى خير الاعاجيب

الطيب فيهم واضح ٍ ما تزيّف
شبابة النيران فوق المراقيب

ربعي بلي للموت دايم تهيّا
ربعي بلي امطوعين الاصاعيب

تاريخنا ماضي و حاضر و مقبل
الخير فينا مع جميل المناقيب

صُبي مطر يا مزنة الشعر صُبي
بآسمى التهاني و اهتفي بالتراحيب

ماهي غريبه لابتي لو تميّز
لن القبيله فيها لابة مواهيب

حيوا هل الحيزا يا غالين حيوا
حيوا الرجال مقدمين الرواكيب

آل الخليفه بالمواقف عرفنا
كاس المنيه فالمعارك مشاريب

اهل السطر و الباس و اصل الشجاعه
مقدارهم يفوق روس الشخانيب

ماهو قصور بلابتي فالمعارك
و مدحي لهم ما فيه شك ٍ و لا ريب

آل الخليفه شيخهم كف جوده
دزل العطايا من شمخ النيب

آل الخليفه كم لهم من مكانه
لابه ليا قامت تفك المناشيب

مبروك للمعرس و ابارك لعمه
من جوده لضيوفه كفوفه مخاضيب

ارع الظفيري يحتفي في فعوله
ذكره تعدى المملكه راعي الطيب

و ختامها باقول ما قلته اول
بيت القصيد اللي يفوق التراكيب

ماهي غريبه لابتي لو تميّز
لن القبيله فيها لابة مواهيب

© 2024 - موقع الشعر