لا للاهتمام

الاهتمام ان زاد و الله خطيّه
تهتم و غيرك ما يهمه اهتمامك

الدين همه هاجسك للمنيّه
بادر ترى سيف المنايا امامك

ابوك و امك شوفهم لك هديّه
لا تنشغل عنهم ولو في دوامك

و اهتم لا من جتك نفس ٍ رضيّه
لا صرت باذل واصله بإلتزامك

لا تنشغل عنه بروحه و جيّه
و لا من بديت ايّاك تعلن ختامك

و ايّاك و المنّه على ادناة سيّه
خلك على طيبك و تكثر سهامك

عند الله ما ضاعت اجور العطيّه
و لابد ما تزداد و يعلى مقامك

هذي نصيحه قلتها بعد كيّه
احرص عن الكيّات و تلقى سلامك