اب مثالي - حاتم منصور

اليوم شفت الناس تمدح بعضها
و بداخلي مدح ٍ لراع المعالي

للي ملك جلّ المحبه و فرضها
و اللي جميله عندي فاق الخيالي

هو الوحيد اللي همومي دحضها
انا اشهد انه ممتلك . . راس مالي

زلاتي يا مآ . . من شليله نفضها
و اهداني عفوه هذا من طيب فالي

علمني الدنيا . . دواها و عوضها
صبري عوضها و الدوا طول بالي

وشلون روحي تعامل اللي بغضها
و وشلون روحي تعامل اللي موالي

علمني اشكي حاجتي مع مضضها
للرب سبحانه عظيم الجلالي

كيف انسى من عالج حياتي و مرضها
ما انساه و لا يوم ٍ يجي له بدالي

اليوم شفت الناس تمدح بعضها
و قلت امدحه عبدالله اب ٍ مثالي

© 2024 - موقع الشعر