يامن لك القلب يرتاح

لـ حمد مبارك العامري، ، في المدح والافتخار، 117، آخر تحديث

يامن لك القلب يرتاح - حمد مبارك العامري

يامرحبا يامن لك القلب يرتاح
يللي فلا غيرك يداوي جراحه

كل شي بها الدنيا يبى صبروكفاح
وانته تحفزني على الصعب اجتاحه

وقفات لك ماتنسي حال ياصاح
وان جيت شورك دل عالعقل ورجاحه

ماخاب فيك الضن حين الخطب لاح
كنت السند لي دوم وهذي الصراحه

ماخذ مثل في الوصف ما هوب لحاح
تازن امورك بكل دقه وراحه

حزت الغلا بالله ياسيد لملاح
وقربك سعادة قلبي وكوم افراحه

انت شذى وردٍ بدنياي فواح
ساعة اشمه ينعشنيه نفاحه

وانته شريك العمر ياخير نصاح
يانور بيتي وانت ضيت اصباحه

يالله عساك ابخير ماتشكي اقراح
وباب السعادة في يدك دوم مفتاحه

يحفظك لي ربي على كل مرواح
ومني جداك النفس يالخل مرتاحه

© 2024 - موقع الشعر