مابيك تنشر قصيدي - غادة العلوي

لابوك لابو قراطيسك ي قاصدني
أنا على النت تقراني جماهيري

مابيك تنشر قصيدي أو (تساعدني)
مابيع عرضي لحد من شان تشهيري

رح شوف خبلة ولاترجع تطاردني
مو كل ورقا تقلها تطير بتطيري

وجود اسمي بجريدة مابيسندني
إن هان قدري كيف بيصير تقديري ؟؟!

يا اللي على وعد للشهرة مواعدني
ماني بحاجة لوعدك لو عجب غيري

أنا عنيدة بطبعي ومن يعاندني
أكسر عناده ولا مقدور تسخيري

أعدى حدودك هنا .. ف اسمع وشاهدني
ماشاف شرّي غير من يجتنب خيري ..

© 2024 - موقع الشعر