قلق كآفي يعذبني

رجع فيني قلق كافي يعذبني
على فقدان واحد تعّب اعصابي
 
واعيش الموت واحزاني تطشبني
ألا يكفي قهر قلبي وأهدابي؟؟
 
وادوّر شربة الفرحة تشربني
لأني ضقت ما يكفي من أحبابي
 
حرام النوم وبالي هو يقلبّني
ووديني على نار وْبِإلهابي
 
 
وأحسّ إني محطّم من يرتبني
كأني طفل أشقى كسر ألعابي
 
 
ومحتاج الكفوف اللي تضببني
وأنسى من وراها حرب الإرهابي
 
 
مرض نفسي وطبّي من يطببني
في يوم وعيّى ينفع طبّ الأعشابي
 
 
سبب عِلّي على واحد وحببني
وصارحني على حبّه بإعجابي
 
 
وأعطيته حياتي يوم وقربّني
على قلبه ودخّلني ألأبوابي
 
 
ولا أدري شعوري حين رحّبني
فرح قلبي ولا دامت بترحابي
 
 
طلع واحد يغشّ الحبّ عصّبني
يحب النكْر يعاشر كلّ الإشبابي
 
 
ضميري من سكاكينه ينوبني
ولبّسني كفن حالي وإغصابي
 
 
ثمن مدفوع ودرس وكان يهذبني
على شرب القهاوي تدفع إحسابي
 
 
ثقة لا تزرع إبسرعة وجربني
أُلوف اللي وشقّوا كُمّ الإثيابي