?ماكنّي الامجاهد من هل الضفّه

في ليلة البرد فانوس الملل طفّه
يالهاجس اللي لزوم ان جيت تفضالي

جددْ حماس الشعر واللي برد دفّه
‎ولاتنثني ساقك الا فوق الاطلالي

صدر الرحوب .. انفرى والشوق قد هفّه
‎يا ليت الايام … للماخوذ تبرالي

من مبسم اللي سوات اللول .. مصطفّه
‎ايقنت بني نشبت .. وصعب منزالي

لن جيت اعيد النظر اخشى من الخفّه‎
وان عشت دور الثقيل اشفق على حالي

قفا وخلا الثقيل وشام عن شفّه
‎وانا سوات اعزلن مشروب فنجالي

يا بخت منهو معه … في ليلة الزفه
‎عز الله انه وردْ … وحباله اطوالي

ميزان الايام … ما يرجح لنا الكفّه
‎يومن الاحلام شابت … ساكنه بالي

ما كنّي الا مجاهد ( من هل الضفّه
اوقف لها وقفت المهزوم بلحالي

هذا ترى شاعرك … والحظ ما دفّه
‎يمكن يبالغ … ويمكنّه يورالي

#فهد__المنصوري
________________