ضايق ولكن - عبدالله الهندال

ضايق ولكن مابسب الحكومه
ولو اني اصلاً ما اراها فعيني
الحشمه للضيقه ومابي ملومه
اعرف ويش اقول ومعلميني
اهلي احشم اللي سنعه علومه
والا الردي لا اجيه ولابي يجيني
لي بالبدون اخوان وعيال شومه
ومن ضدهم نِدّي لوهو قريني
جعل اللي يظلمهم يحين يومه
ورب الجلاله يحول بينه وبيني
وطير المرض يسبق ويكون حومه
لحباب كل طاغي وكسره يبيني
تحسب بقهري بس قعده وقومه ؟؟
ومافي يدي حيله؟ تخسى وديني
انا اقوى من الكل بركعه وصومه
ونظره لسما ربي يقرى اللي فيني
يفزع إله الكون لناس امحرومه
وابفزعة الله كل شي يبيزيني
© 2024 - موقع الشعر