يابو سعد اسمكم مشهور

يا بو سعد اسمكم مشهور
أهل الوفا وناس صدقيّة

ما فيكم اللي يلف ويدور
ولا فيكم اللي حونشيّة

واليوم مرت سنة وشهور
ما شفت هذي ولا ذيّه

خويّك يقولّك أنا معسور
والعالم الله نوى نيه

لكنك انته لها دكتور
اقطع من الضأن قطعيّه

ضأنه تحمّل كذا بابور
ما يضر لو تنقص اشويّه

لأنه صراحة مهو معذور
تاجر يماطل بجديّه

والمال عنده يغطي النور
ويقول ما عندي في يديّه

ماني بحاسد ولا منكور
إن قلت حقي وهو ليّه

أما انت يا صاحبي مخبور
كلامك كما حد جنبيّه

لو تبقى في ذمتك لدهور
ما جيك والله ولا جيّه

لأنك واحد وعن طابور
طابور من اللي ميَه ميّه

انته قبيلة بدون اقصور
باللي معك من شواويّه

والختم باقة عطر وزهور
بيضا وحمرا وورديّه