علي قرطاسك المبلول ضاع الحرف والفكره

على قرطاسك المبلول.. ضاع الحرف والفكره
ولا باقي من احساسك.. يكود سطور مفجوعه

وش اللي صار وانت اللي.. ورثت.. الجوع بالفطره
وش اللي صار وانت اللي صنع له سيف من جوعه

وش اللي صار... ياغيمٍ.. تعدى مانزف قطره
وكن الريح... جلاده... وهي من غَيَّرْ... اطْبوعه

بلاش نبعثر الماضي ونحرج  سالفة عذره
بلاش نضَيِّع اسنينه... لجل.. مايزعل  اسبوعه

واذا فينا عتب خٌلِّه...اكيد  بينْتحر.. بكره
ولاتهتم.. دام إنا.. ملامح.. شبْه.. مصنوعه

اكيد إنٌّا.. على الهامش.. ياكذبه  اسمها الخبره
مدام اعمارنا.. في داخل الادراج.. موضوعه

تعااال.. استحلفك بالله... ترى ماعندنا.. مُكره
ولانملك شجاعه... والقناعه  غصب مزروعه

وانا ادري كل واحد ل انتهى المشوار والنشره
يعوّد للسهر والليل.. واول قصة ادْموعه