أحبك والسلام - فاروق البحر

شاكني صوتك يا عذب الكلام
ورمش عينك يوم جاني في الصميم

زادني سهدي كل ما حاولت انام
واعيش لين الصبح ساعات الجحيم

دمعي بغيابك مثل قطرات الرهام
ما غير قلبي ع قلبك رهيم

في ليل سهرتك عيني ما تنام
أعوذ بالله من الشيطان الرجيم

كل ما في الأمر أحبك والسلام
على قلب تاه في حبك يتيم

اه لو تبادلني المشاعر يا سلام
تخيل كيف نصبح يبو وجه الوسيم

بس ابي شوفك وذاك السلام
والصبح والليل والأمس القديم

وازيد لك فوق همي اهتمام
وادعي من ربي يحفظك لي مديم

© 2024 - موقع الشعر