قظّيت عمري

قظّيت عمري بين لو هي وياليت
واسكنت نفسي بالحزن مسكانها
واقبلت لم حلمي مودّع وصدّيت
قلت الحقيقة ما تبي كتمانها
يا حلم سامحني جزمت وتخلّيت
وهاذي الأماني قفّلت بيبانها
ياما انتظرتك مل صبري وملّيت
عيني شرحتلك واشتكت حرمانها
حتى الأمل مل انتظارك ولا جيت
بعض الحوايج تنبغى باحيانها
هذا الفراق وجيت لمّك وواسيت
ودرب السفينة غّيره ربانها
سلّمت امري بابتسامة وقفّيت
وطاحت دموعٍ اوجعه خذلانها
بس البلا كنت ابغي الصح واخطيت
غلطة وابدفعها بكل اثمانها
ما كنت ادري ان حلمي زي البيت
ونفسي تعيش لعيشته بادمانها