يا بنت ..

يا بنت ماحرك بي احساس وشعور
على كثر ماشفت زين وجمالي

الا لقاك بغربه وبين جمهور
ساعة لمحتك في طريقي اقبالي

وصدفه بها أُحييت قلبي النعس الحور
وبها انشرح صدري وبها ارتاح بالي

أغلى على نفسي من أموال وقصور
واحن والطف من نسيم الشمالي

وَيَا بنت انا عانيت من سبة الجور
وقد شيبت فيني صدوف الليالي

ولا انثنى عزمي ولا طحت مكسور
وأصبحت اسير اللغربتي وانعزالي

ويوم انبلج من وجنتينك بديجور
ضي القمر وعيونك اودت بحالي

رحبت ثم هليت واقبلت مسرور
واللي على بالي طرالي طرالي

يَا مرحبا واهلا هلا وَيَا مسا النور
على شقا ولا سعاده تعالي

وان جاد بك حظي بدنياي مشكور
ومسامحه وقتي ، ولو ماصفالي