تجملي بالوصل - احمد الكثيري

تجملي بالوصل لوكان ساعه
ترين دون الموت باقي دقايق

لجلك صبر قلبي وزاد التياعه
واثر الصبر بالقلب يزيد الحرايق

كنتي معي تقولين سمعٍ وطاعه
واليوم صديتي وشفت الحقايق

كثر الجفاء للقلب سبب ضياعه
ضاع الامل مادام طعتي الخلايق

اول معاك الحب ما اشكي وجاعه
وزرعت لك بين الحنايا حدايق

عشته ثمان اسنين في غب قاعه
عشته معاك وجونا كان رايق

واليوم هديتي الهوى بلا براعه
تصرفك ماهو عليكم بلايق

زورق هوانا لا تهدي شراعه
لا لا تحطي في دروبه عوايق

الحب ماهو يابنيه بضاعه
ولا هو بصراف الذهب والبطايق

خلاص روحي اليوم عندي قناعه
احرقت ذكرانا وكل الوثايق

اببتعد عنك واسوي مناعه
من حبكم صدري ترينه تضايق

© 2024 - موقع الشعر