ما دعاك الشوق - سعد العبدالهادي

ما دعاك الشوق ما حرك حنينك
ما عصاك النوم وانت بعيد عني

الحنايا رددت بالصدر وينك
وانت في دنياك لا هي ومتهني

يا حبيب العمر لا شلت يمينك
حركت يمناك جرحي وامتحني

الفكر من دون هالعالم رهينك
والمحاني تسهرك خوف وتمني

ما هقيت العمر يمضي دون عينك
لين صحاني الدهر واخلفت ضني

استلمت القلب في راحت يدينك
وعاد لي قلبي من جروحه يغني

خاف ربك لا يغرك زود زينك
ما بقى بي عرق اللى لك يحني

وينها ايام مضت بيني وبينك
وين هذاك الغرام اللي سكني

رد لي فرح تلاشى في سنينك
رد لي عمر خذيت اليوم مني

اعتبرني دين واقض اليوم دينك
او دخيلك لملم الاشواق عني

© 2024 - موقع الشعر