ياهافي الذمة هذولا عمامي
برمضان جن الشعر نايم وصحيت / خله يخاويني ويسمع كلامي
ابيه في بعض المواضيع واطريت بعض الحكي مكشوف والبعض كامي
يابوسعد لاتعتذر انت مااخطيت/ من جبتني مابين ناس ن احشامي
ناس ن قبل تدخل مع الباب حييت ترحيبة تتبع سلام بسلامي
يانس بها من ضاف لامن تقهويت في مجلس تغشاه ناس اكرامي
درب المراجل ماتخصص على بيت كل خذا منه حلال وحرامي
بعض الحكي مابه من الحق تثبيت يرمى كما ترمي اطياش السهامي
ماصوب المعنى وانا عنه صديت وان جيت ابرمي قالت الناس رامي
انا ولد وايل ليامن تعزويت راع اجحله بدري ولاني بطامي
يزبن علينا من ولته الطواغيت بعد السهر والخوف عينه تنامي
ماضي وحاضر فعلنا له ثوابيت مواقف خذنا عليها وسامي
تشهد مضايفنا خذينا بها صيت ياضيفنا محشوم مايستظامي
فلة احجاج ومرحبا وقول حييت على السماحة والشحم والسنامي
اهل الشمال ان كان للطيب عديت تورد حياض العز لاكنت ضامي
هات الكرم والسيف والبشت ياميت خذ ماتبقى كان لك به علامي
نموت مايزمى علينا ولد هيت ياهافي الذمة هذوله عمامي
المشكلة ماهي مع راعي البيت ولاهي مع اللي من نثرها وقامي
المشكلة فيها من اول تفاويت مايتفق فيها جنوب وشامي
 
عبدالرحمن الناهي الكوح

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر