مجرد هواجيس

لـ ، ، في غير مصنف، آخر تحديث :

زمان
يضيق احساس ذا الأبكم وهو عاجز عن التعبير
تموت احلى القوافي لوحبسها الصدر واخفاها
يموت الراي والمعروف لو واجه صدى التقصير
كما موت الورود الزاهية ياللي نشف ماها
 
كريمة ذا المزون اللي سقت دار لنا بالخير
عسى تسقي القلوب اللي صدت والحب يغشاها
تذكرني بزمان ن راح يومي بالطفولة صغير
مع هاك الفضا وبيوتنا فالبر محلاها
 
مع طروش الحلال اللي عطت يوم الزمان ايغيير
عطية من كريم لا يمن ولا تقفاها
نعيش الحاضر بحاضر ولاني خابر التوفير
شربنا من القناعة والقناعة كنز مجناها
 
تسامرنا نجوم الليل في روعة من التصوير
ألا سبحان من صور نجوم الليل واسماها
ترى حتى الربيع اللي مضى لاشك طعمه غير
نحس انا ملكنا الكون والفرحة ملكناها
 
يجازي الله عصر العولمة بالذل والتقصير
كما تجزى اليهود اللي طغت بالأرض أسراها
غدا كل ن على رايه ولانحتاج فيه مشير
ثقيله ذا النصيحة لو بدا للناس طرياها
 
ولاعادت لنا الأيام سهله ..اتمرنا وتسير
كما برق ن لمع وسط المرابع ثم تعداها
 
أنا مااكره دروب العلم واحسبني مع التطوير
مجرد بس هواجيس ن لفت واليوم ابنساها
 
عبدالرحمن الناهي الكوح

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر