رد على الشاعر البدر - سالم محمد اليامي

بانوب فيها عن سلايل بني يام
الااد ربعي محتمين الغلابه

يامرحبا بالشاعر اللي له اقلام
حرفه جميل وكل شيٍ زهابه

النقد واضح وانت شاعر ومقدام
وانا اتقبل هرجتك وبرحاابه

وحروفك اللي كنها رسم رسام
فيها سؤال وينتظر له جوابه

والحين اسلم واستلم رد واشمام
بالفحص والتفحيص جاتك سحابه

لو قلت لي قدام باقول قدام
وابشر بعزك لو غدى بك رهاابه

ضرغام خاوا له على الدرب ضرغام
الوضع دامي والهوى صك باابه

خل المجامل دوسه بروس لقدام
لا لا تجامل وانت تعرف نصابه

والمنتدى مافيه بزران واقزام
فيه النشاما محتمين الغلابه

اشره عليك ان كان فكيت لقلام
وجريت حرفك بين قوس وربابه

للضيف حق ونحترم كل مقدام
وللضيف حشمه بس يعرف صوابه

شف بوش ماعمره رحم حال صدام
صدام خرب لين بوشٍ درابه

وماعندنا غابه ولا فيه اجرام
ذيبِ دخل خاوا جميع الذيابه

وانا احمدالله ننتهج نهج لسلام
في سنة محمد ونهج الصحابه

في منتدى العجمان للضيف مرسام
وله حشمته بين العرب والقرابه

وان قلت لي قدام باقول قدام
وان لم تكت ذيباَ كلتك الذيابه

© 2024 - موقع الشعر