يامي فدائي

من هو نوى ياقف بدربي بجبّه
اقولها مادمت يامي فدائي

اقسم قسم بالله يصبح مطبّه
وانا ترى محبوب ماني عدائي

لاشك ناسٍ ماتعرف المغبّه
لعبو بطيبة قلب شاعر روائي

يعني بعض ناسٍ منزع ملبّه
تفرح علي لامن درت بانسيائي

الحمد لله ماعرفت المسبّه
الموت قول الصدق هذا بلائي

ياكثر شعار ((الزقاره وحبّه))
أهل الطريق اللي يجي التوائي

اعدا النجاح اهل الوجيه المظبّه
قهرتهم لني رفضت انحنائي

ابوي قال اللي يكبك فكبّه
وانا نويت اكب نص اصدقائي

وابوي قال اللي ينبك فنبّه نبه
ولو تعطيه عمرك نهائي

ياأيها الجمهور واغلا الأحبّه
فيك عوض قلبي وفيكم عزائي

والا العوض بلي بقلبي لعبّه
اللي هواها صار كل انتمائي

الجادل اللي مالك الروح حبّه
بنت الشيوخ أهل الشيم والدهائي

نبض العروق الدافيه والمنبّه
ونبض القصيد اللي يجي انتقائي

سلك الغرام اللي عفيفٍ مربّه
بحرٍ تلاطم في محيط ارتوائي

زهره حديقه ((بابلي))فوق تبّه
من فوق عرش الحكم ماخذ ولاائي

شعر الفرزدق لاكتب يلتعبّه
وتصريح ابن لادن بردٍ جزائي

مسامعي من صوتها تنطربّه
وفي صوتها فنان شاعر غنائي

هي ذوق قلبي هي جروحه وطبّه
صحيح تجرح بس فيها دوائي

اسمع حبيبك ياحبيبي ولبّه
لب اللذي في الحب توّه بدائي

صب الغلا لمعذب القلب صبّه
بموت منك ماوصلت ارتوائي

ولب الخفوق بنار قربك وشبّه
اسقه برشفة ماء فائك لفائي

لاشفت عرقٍ مامتلى حيل عبّه
لين اشعر اني فوق خط استوائي

ماكل ريحٍ صوب قلبي تهبّه
بس انت ريحك شفت فيها وفائي

ودي بقلبك ((اسرقه وانقلبّه))
واموت انا وياه في دار نائي

ياشامخه كلمة وفاء مستتبّه
ماتنتقض مادمت تسمع ندائي

انتي جبل شامخ ولحدٍ يذبّه
ماذبه الا بس ((يامي فدائي))