الله يجيبه

الله يجيبه لو بعد عدة سنين
الغالي اللي لو نسى مانسيته

عليه كم حنيت والناس لاهين
واليا بدى ليل السهارى سريته

اسج به سجة رجل لاحقه دين
وديانته مقعين قدام بيته

مافيهم اللي من صفوف المصلين
قومن تعبد المال وتحب صيته

حداه وقته ياخذ الصاع صاعين
وسهوم بقعاء المدميات المميته

والمشتحن لاسج لاتنشده وين
ماهو بلازم لابغيته لقيته

يضرم على السجه مثل وضعي الحين
على الحبيب اللي بروحي فديته

ماغيره اللي شوفته تسعد العين
بالمختصر هو حلمي اللي بنيته

وبير الرجا يروي حياض المضامين
وحبل الامل من زود حبه ثنيته