نظرة الغالبيه ..

عزز ثِقت نفسك مدامك تفكر،
لِن ناتج التفكير زود بْوصوفك..

وحتى قناعاتك تراها إتغيّر،
تغييرها بأسباب فكره تحوفك..

وعن حاجتك أطلب وحاول وكرر،
خلك وراها لو يطوّل وقوفك ..

والناس تاخذ من سكوتك مبرر،
لِذا بما ينفعك إدحم كتوفك..

وان كنت في موقف حذاري تحير،
جهز قراراتك ثم إنطق حروفك..

ترا ثقتك ب ما تقوله بتثمر،
وتجعل حروفك باللقا هي سيوفك..

و في كل حالاتك أبيك إتذكر،
مثل مإنت تشوف نفسك نشوفك ..